Bu ilin yanvar ayı ərzində Çin avtomobil bazarında dünya avtomobil sənayesində avtomobillərin satışına görə aylıq rekord göstərici qeydə alınıb.

«APA-ECONOMICS»in Çin Avtomobil Sənayesi Assosiasiyasına istinadən məlumatına görə, ötən ay Çində 1,66 mln. ədəd avtomobil realizə olunub ki, 2009-cu ilin yanvar ayı ilə müqayisədə bu göstərici 2,3 dəfə artıb (ötən il Çində 735,5 min ədəd avtomobil satılıb).

Hesabat ayında Çində satılan minik avtomobillərinin həcmi 15,5% artaraq 1,32 mln. ədədə çatıb. Ötən ilin dekabr ayı ilə müqayisədə isə Çində realizə olunan avtomobillərin həcmi 20% artıb.

Mütəxəssislərin fikrincə, Çin avtomobil bazarında satış həcminin 2010-cu ildə tədricən azalacağına baxmayaraq, ölkədə yüksək göstəricilər müşahidə olunacaq. Bu göstəricinin 10%-ə bərabər olacağı proqnozlaşdırılır.